EFCC don catch Obinna Iyiegbu, wey everi bodi know as Obi Cubana, for moni mata.
On Monday afternoon nai Cubana wey get club, reach EFCC headkwata for Jabi Abuja, around 10:11pm for night hin still dey their office.
The time wey the news come out, the real mata neva clear but one insider say na moni mata plus tax wayo.
“Dem arrest Obi Cubana on Monday afternoon go EFCC headkwata base on moni wey get kleg plus tax wayo. detectives dey ask am serious kwesun as we dey talk so.”
EFCC talkpesin, Wilson Uwujaren, say dem neva tell am anytin yet.
Na for July here nai Obi Cubana enta everi bodi mouth, afta he kill 200 melu for hin mama burial wey dem do for Anambra State.