Ogiame Atuwatse III, Na Peace Caller- Comrade Macaulay



The foma seke to Delta State Govimet, Comrade Ovuozourie Macaulay, troway cap for Olu of Warri, His Majesty Ogiame Atuwatse III on the occasion as hin dey remember the first day wey dem wear am crown as king.

Ogiame Atuwaste III nai be the 21st king for Iwere kingdom.

For the message wey Macaulay send to congratulate the king, he say even though say this na just the first anniversary of the king but he reign don bring peace and hope for the kingdom.

Hin say since Ogiame Atuwaste III enta throne na so hin dey make sure say Iwere pipo dey togeda so that peace go dey for the kingdom and Warri.

He come still say the king don still make even neighbors around get beta mind wey go epp the whole of Nigeria.

“Ogiame Atuwatse III the kind of youth mind wey hin get nor even stop am as hin don show real wisdom and maturity; wey dey bring suprise and beta mind to the stool. This one don make pipo get hope.

Macaulay come dey pray say make God Almighty keep am so that hin life go dey strong and hin go see many coronation anniversary for the throne.

Share On:

Add a Comment

Your email address will not be published. Required fields are marked *