The man wey just komot as commissioner for Housing inside Delta State, Mr Joseph Ogeh, done die.
Ogeh wey be 56 years, serve only one term for Okowa govimet. Dem say na early mormor on Sunday afta he don do political meeting with him friends finish around 1’oclock nai he take die.
Tori get am say na around 3 early mormor nai hin take fall for hin house for Warri but before dem rush am reach hospital, he don alredi die.
Mr Ogeh nai be dey rep Isoko pipo for Delta State Oil Producing Areas Commission before govimet come give am housing commissioner.
For wetin hin chief news seke talk on Monday, Mr Olisa Ifeajika, he say goviment dey greet the family, the pipo of Isoko North and Oghara-Iyede wey hin come from, say make dem nor cry again.
He say, “As we hear the news, e just be like say dem pour ice water for awa bodi. Him na Commissioner for Housing and dey as member for state Executive Council for one term, Ogeh serve well and try to see beta tin for the state.”