Okowa you try as wahala nor come for the state- Lori-Ogbebor

Chief Rita Lori-Ogbebor, the Igba for Warri kingdom don write leta to govor Okowa as hin try to make say gbege nor come for the state.

She say bodi dey sweet her as govor of Delta State, Ifeanyi Okowa try as hin don put back Olu of Warri, Ogiame Atuwatse lll, name for the Traditional Councils of Warri South-West and Warri North Local Govimet for the new State Traditional Rulers council wey dem arrange again.

Na afta some pipo for itsekiri say dem nor go gree for the mata, nai govimet come talk say na mistake dem do as na Olu of Warri nai be the nuba one man for Warri South, Warri South-West and Warri North Local Govimet.

Chief Rita Lori say na wey dem dey wan born Delta state nai dem gree to make Olu of Warri the permanent Chairmo for Delta Traditional Ruler Council.  But afta dem agree finish, politician nor come folow the talk, even Ogidigben nai supose be Warri South LGA but na still politics dem use wayo turn am to Ogbe-Ijaw.

She say she happy wella as dem correct the mistake cus her mind don come down and peace go kwantinue to dey for Delta State.

Share On:

Add a Comment

Your email address will not be published. Required fields are marked *