Oneya death pain me wella-Okowa

…Okowa send him codolence give Urhobo nation

…e no go easy to fill Oneya space-Majemite

Delta state Governor Dr. Ifeanyi Okowa don talk say the death of before before Presido of the Nigeria Football Federation (NFF), Brig.-Gen. Dominic Oneya (retd) pain am well well.

According to reports, Oneya, when come from Agbarho for Ughelli North Local Government Area, kpuff on Thursday for him bonk for Effurun GRA for Uvwie Local Government Area at the age of 73.

For one statement wen him Chief Press Seceto Mr Olisa Ifeajika tender today Friday for Asaba, Okowa come dey greet the Urhobo nation and Agbarho community in particular, becos of d death of the ogbonge soldier, administrator and politician, when belong to the Peoples Democratic Party (PDP).

Meanwhile,One of the odon of the  Peoples Democratic Party for Delta State and one Governorship aspirant for the State, Chief Barr. Fred Majemite don join Deltans dey mourn the death of Major General Dominic Oneya.

Wen Chief Majemite dey yarn wit kpokoFM he come talk say Naija, Deltans and the Urhobo Nation don lost one of the finest patriotic leaders wen be blessing to him people.

Barr. Fred come still dey yarn say e no go dey easy to fill d space wen Oneya leave behind say becos he yarn wit am before the news come say he don denkwes, he come talk say Deltans still dey mourn him death.

Add a Comment

Your email address will not be published. Required fields are marked *