OPM pastor give Late Deborah Family Estate for Port Harcourt

The General Overseer of Omega Power Ministry aka OPM, Apostle Chibuzor Chinyere, don tokinado for the promise wey hin give Deborah Samuel family cus of the way pipo wey use religion tie wrapper take kill her.

The news about Deborah Samuel die happen cus her class mate for skool say she curse Prophet Muhammed and the Muslim boys come karey stone her and burn her inside the skool.

The way Deborah take die make many pipo for Nigeria tok against wetin the Muslim pipo dey do.

As Apostle Chibuzor Chinyere hear the mata nai hin call the family say make dem nor worry hin go bring dem come Port Harcourt and go change dem life.

The pastor don do wetin hin say he go do, yesterday he give the mama and papa of Deborah 14 flats for one small estate, Corolla motor wey Deborah papa go take dey do Uber business, scholarship for Deborah broda to go skool for obodo oyibo.

No be only that one the small sista and broda of Deborah get scholarship till dem go enta university, then business wey the mama go dey run.

The pastor say Deborah don already pay the price for her family. This na wetin the pastor tok for Twitter.

Share On:

Add a Comment

Your email address will not be published. Required fields are marked *