Pesin wan karey my piken go Kenya afta she don run come from Mali

One woman Mrs Peace Aizoba wey dey sell  for Benin don come out talk say anoda pesin, wey be her piken church member dey wan karey her 16 years piken go do okpo work for Kenya afta she just run komot from Mali.

The piken name wey na Favour, bin dey Junior class for secondary skool, wey she dey come back from skool for June 2021 with oda girls dem, nai dem take tiff dem for inside bus wey dem enta.

Naso she take land for Mali where dem take put her for ashawo work, before she come fit find way shele two months afta she reach there. But wey she come she don already get belle.

On Monday for Benin nai the mama dey tell tori pipo the bad tin wey her piken use eye take see for okpo work, and now one Joel wey dey go the same church with her piken don dey disturb am, make she travel again.

She talk say dem don go report the mata to police. Mrs Aizoba, wey her piken folow her talk with tori pipo say,  afta her piken come back last year nai dem go hospital for test and scan, dem come know say she get belle with ejima. The tin worry dem mind as dem nor know the papa of the ejima since na rape dem rape the girl for Mali.  She tell the dokitor make dem nor komot the belle cus her believe nor go alow her.

But later Favour come dey get pain for belle, wey she born the piken before 9 months, as dem dey karey the ejima to anoda hospital to put for incubator nai dem die.

The mama say, like say that one neva do, anoda pesin naw dey wan karey her piken go Kenya. Na so hin go dey call her, we don even record hin call and report the mata to police.

While Favour say the man wey dey call her bin dey go dem church and he own naw na to karey small girls go give hin oga wey dey for East Africa kontri.

Share On:

Add a Comment

Your email address will not be published. Required fields are marked *