Pesin Wey Dem Tiff Dey Cry For Twitter



One pesin for Twitter Ameerah Sufyan, on Tuesday dey shout say dem don tiff am her, three pregnant women, and two children from wetin Punch tok.

For tweet wey Sufyan put, she tok say na 17 of dem nai the gun men tiff for different part of Abuja and the men wear police uniform and motor.

She, @ameerah_sufyan, say any bodi wey get her WhatsApp nuba make dem go check as she don share her location of where dem dey.

She say na from dem different house nai the gunmen take come tiff dem for Abuja.

“We be 17, plus three women wey get belle and two small piken. Dem nor see my phone.”

Afta she write the first tweet small time nai Sufyan say dem don dey karey dem go west side of the kontri.

“Dem be four yoruba and two fulani men, dem don divide us one hour ago, we be seven for here.

“The other motor go reach Ilorin and awa own dem say go reach Ibadan or Ikeja.”

As she dey call for this help, even tag police for Twitter and Public Relations Officer, Olumuyiwa Adejobi, to the post.

Wey this tori dey come outside police neva still ansa the tag for Twitter.


Share On:

Add a Comment

Your email address will not be published. Required fields are marked *