Peter Obi No Get Experience To Lead Nigeria- Gov. Okowa



Delta state govinor, Ifeanyi Okowa, for interview wey hin do for BBC, say Peter Obi of labour party nor get the experience to lead Nigeria pipo.

Okowa say hin gree say Obi get experience as foma govinor but that experience nor deep reach to say hin wan lead Nigeria as president.

Wetin hin tok: “I nor say he nor go get vote o, wetin I dey tok be say he nor be new pesin. E neva too tay wey hin comot from PDP. You know say he first dey APGA na from there he take enta PDP. E neva tay wey hin comot from PDP, so e nor fit tok anytin about PDP cus na there hin dey before.”

“Some of us still dey here. For every party good and bad pipo dey inside.  But as the kontri be today with plenty wahala na the right pesin nai we need. Nai make I dey beg the youths make dem wise up and vote the right pesin, make dem nor blind their eye like banbialla cus na so dem take do say change go come wey dem take remove Jonathan for 2015.

“Obi foma experience nor go fit match this position of president, e go hard am.  E neva get enough deep experience. Even me as govinor wey dey rule for time wey gbege dey, I know how e be for my side. Nai make I wan learn under Atiku cus he get experience full bodi with fediral govimet.

“For dem to make the kontri economy good that time, dey give work and other tins and e nor really easy. So pesin suppose learn all those tins. If you look Obi experience you go see say e still small.”

Share On:

Add a Comment

Your email address will not be published. Required fields are marked *