Police bust Olosho spot, save five small girls

Delta State Police Command don free five small girls wey dem karey go dey do olosho work for one brothel inside Aragba for Otokutu, Ughelli South for the state.

The state CP, Ari Mohammed Ali, nai tell tori pipo on Wednesday say the name of the brothel na Fagoma.

The CP,  say na for April 15, 2022 nai the police take get call say Fagoma wey dem register as hotel dem don turn am to olosho center where small girls dey stay take dey do the yeye work with dem bodi.

Ali say as dem get the call nai dem jump go the brothel and save five small girls wey dem name na Happiness Johnson, 13yrs,  Esther Godspower 21; Angel John 22yrs,  Miracle Bishop 19; and Happiness Isreal wey be 19.

The commissioner come say e get one Joy wey dey run naw, na she karey the small girls from Rivers State, come take dem go Patani to take oath, na from there the Joy come karey dem go Otu-Jeremi, put dem for Edwin Etariri, hand the owner of the brothel and hin wife, Mrs Grace Etariri, wey police don already catch naw.

Still for the raid, police catch ten guys and ten ladies wey dey do the olosho work, While police don dey do investigation for the case.

Share On:

Add a Comment

Your email address will not be published. Required fields are marked *