Police for Rivers State say dem don free 15 children wey dem tiff from different state come keep for one fake Rev. Sister sista house for Aluu inside Ikwerre Local Goviment.
Na the state Commissioner of Police, Friday Eboka, nai open the mata for Port Harcourt wey hin dey do news tok with tori pipo to let dem know how far with their job on Tuesday.
Eboka say the woman tok say she be Reverend Sista Maureen Wechinwu and na 44, but she go soon land her sef for court.
Hin tok say, “Operation Restore Peace personnel for the Command, as dem get the infor, rush reach Omuigwe Abuja Phase II, Aluu, for Ikwerre Local Goviment to bust the hideout.
Na for there dem take catch one woman wey say she be Rev. Sista, Maureen Wechinwuz.
Fifteen children wey dem age na from seven to nine years nai dey the place, The case don reach CP Monitoring Unit cus of the way the case be.
“E take us pass 24 hours before we get any information from the children. Some of them wey don sabi tok come tok how e be with dem with the woman.
“One of dem wey be Prosper Godwin say na 31st of October, 2020, nai dem take tiff am from Ikpazasia market for Bayelsa State, join with other two wey he nor know how dem take come but all of dem land for the woman hand.
“Afta naiem dem sell am to one woman for Lagos. But wey hin reach Lagos the woman wey buy am come see say the boy too sharp naso she return am back, naso he come take come back to Aluu for Rivers.”
Some of the other children na Queen Harry, Miracle John Ohiri, Favour Edeze, Emeka Edeze, and Chimele Obinna.
Eboka come say out of the 15 children, dem don fit get five of the parents but dem neva fit get the remaining ten where dem come from.
The investigation still dey go on wey go lead to others wey dem hand join.