Police Don Ready For Pipo Wey Make Automatic Plate Nuba



Musa don see sometin for gate again, as Nigerian police say dem go must catch the pesin wey go do plate nuba for moto wey fit change by automatic.

For one video wey don fly for internet nai dey show as the motor dey show how e take carry two plate nuba and fit change am any time, with button.

This video don make plenti Nigerian pipo dey call security pipo make dem shine eye look wella cus this kind technology fit make pesin wey do bad tin fit run and dem nor go fit catch am.

Wey the tokpesin of Nigeria police force dey tok about the video, CSP Olumuyiwa Adejobi say police go find out the pipo or pesin wey dey produce this automatic plate nuba and catch am.

He say wey dem see the video, e good o but with the way Nigeria be naw, no be wetin we need. Every motor go register and suppose get only one nuba.

The CSP say dem go work with other security pipo to make sure say fake nuba nor fly for the kontri and sef dem nor like make pipo dey cover dem nuba plate with leather again.

According to Adejobi dem go must investigate the mata and make sure say dem stop to produce am cus na serious danger e dey wan bring come the kontri.

He come las las say make Nigerian pipo nor even resin am say dem wan use the plate nuba or any kind plate nuba wey dey fake.


Share On:

Add a Comment

Your email address will not be published. Required fields are marked *