Delta State Police Command don kill one armi robba as dem dey do war start with the robbas for where dem go rob for Jesus Avenue, Umusadege Quarters, for Kwale, inside Ndokwa West.
Tori get am say as police get call say dem dey rob for the area, nai the DPO for kwale, CSP Godwin Igoche, karey anti crime patrol team go the place where dem take dey rob.
As the robbas sight the police nai be shooting, Olokpa get to shoot back naso one of the tiff bullet touch am, while the other ones come zab.
Before dem rush am reach hospital, na for hospital he come take die.
The state Police Public Relations Officer, DSP Bright Edafe, say na one local gun, four live cartridges, and four expended cartridges nai dem see for the gang dem hand.
And the ones wey run police dey make sure say dem hand touch dem.