Ogun State Police Command say dem see one video for social media wey hip hop singer, Habeeb Okikiola a.k.a Portable, the Zazu master, karey some boys make dem go beat one man for Ogun two days ago, and the man injure well well.
The PPRO of Ogun State Police, DSP Abimbola Oyeyemi, say that karacta wey the singer play na just rubbish for pesin wey suppose be role model to young pipo.
He say if dem nor check this Portable yeye karacta, e go send wrong sign to young pipo.
So the police dey tell Okikiola Habeeb, a.k.a Portable, make hin report hinsef to Ogun state police or dem go use force take arrest am.
The police say jungle justice nor be wetin dey for the law of the knotri and any bodi wey do am, go dance to the tune of the law.