Princess dey cry seriously as other comedians nor gree support her show


Damilola Adekoya wey everi bodi know as Princess for comedy, dey cry as she say her fellow comedian pipo nor gree support her show wey dey come up this November.

Princess enta Instagram live video dey cry say some comedian and music artists nor gree talk about her show so that pipo go see am.

Her show, #Nothingbuttthetruth suppose happen 14th of November, for Muson Centre for Lagos.

Vector and Jaywon go sing for the show, but she say dem nor even talk about am for their Instagram page.

Princess still call comedian like dem Julius Agwu, Buchi, Gbenga Adeyinka, Alibaba, and some other pipo wey she nor call their name, say dem nor promote her show even afta some promise say dem go support her.

Still for the video, she come still say she miss Sound Sultan for tins like this, if nor be death wey kill am.

As she dey cry, “If say Sultan dey around, I miss am. Abeg I don tire.”


Add a Comment

Your email address will not be published. Required fields are marked *