Rain fall bridge for Onitsha

No be small tin rain do on Monday for Onitsha as many house nor get roof again wey come make many property spoil.

Road like New and Old Market Road, Awka, Bida, Limca, Upper Iweka, Ezeiweka Road, join with oda ones no be small water nai cova everywhere.

Even the new road wey dem just do wey dey lead to Fediral College of Education (Technical), Umunze for Orumba, scatter join.

Video wey full social media of how dem even take do the road only how many months ago, show say the bridge wey the contactors do, water karey am go one kona come leave big gutter for the road.

One pesin say this na the first heavy rain wey dey fall since dem finish the road.

The roof wey komot for Okpoko the biggest local area for the state, pass 100.

From Ezeiweka, Obosi, Nwaziki Roads for Awada and Mgbemena, the flood just karey e sef go dump for Okpoko, nai come make dem case worse.

Share On:

Add a Comment

Your email address will not be published. Required fields are marked *