Rep. Benjamin Kalu Say Make Dem Increase Date for Voter Registration  



House of Representatives don tell the Committee for INEC make dem parle with Independent Electoral Commission so that dem fit karey the date to register voters card go front small.

Na afta the tokpesin of the House wey dey represent Bende Fediral Constituency, Rep. Benjamin Kalu move the motion, nai dem take resin am.

Kalu say the resin na cus many Nigeria pipo neva fit register.

The lawmaker say Registration centers naso pipo dey boku for there and even the voter registration machines, plus INEC pipo wey go register sef no dey enough.

E say e good make dem karey the date go front with 60 days, instead of the June 30, 2022 wey INEC one take stop to do registration.

Afta hin tok finish nai the house tell the INEC committee make dem go tok with INEC and come back in 7 days time to tell dem the result.

Share On:

Add a Comment

Your email address will not be published. Required fields are marked *