Reps Want Make Higbo Dey Legal For Nigeria

Some of the members wey dey House of Representatives get small quarrel on Wednesday cus of one bill wey want make dem allow pipo to dey plant, sale and even use higbo take do business for profit.

Two of the House of Rep members, Benjamin Kalu and Olumide Osoba, nai sponsor the fresh bill wey dey ask make dem amend the National Drug Law Enforcement Agency Act, so that e fit give licence to those wey wan plant, sell and use the higbo.

The bill na from Kalu and Osoba’s separate version with nuba HBs. 1190 & 1918.

But wey dem bring the bill for the second reading on Wednesday, anoda of the House member Miriam Onuoha, say the bill na the same with the one wey she sponsor before.

Femi Gbajabiamila, the Speaker of the House, come tell dem make dem go tok with the Chairman of the House Committee on Rules and Business, Abubakar Fulata, make e know wetin different for inside the bill, till on Thursday wey dem sitdon again.

Know say Nigeria nor dey allow make dem sell higbo not to tok of to use am.

 

Share On:

Leave a Reply

Your email address will not be published. Required fields are marked *

Contact Info

Quick Links

Make E beta for you

Advertise with Us

© 2022 KpokoFM