Security Beat Prophet Indaboski, Scatter hin Church

 

The pastor wey dey cause commotion for internet, wey base for Onitsha, the one wey be Indaboski Bahose but he real name na Chukwuemeka Odumeje, on Thursday nai security pipo for Anambra scatter hin church come even dey do the pastor any how.

Video show wey the officials dey yeye Indaboski Bahose, the Liquid Metal.

Remember say for March, nai Anambra goviment mark hin church, Mountain of Holy Ghost Intervention and Deliverance Ministry for Onitsha, say dem go scatter am cus the church dey ontop gutter.

Gov Chukwuma Soludo, afta hin enta position nai he go visit Okpoko, one area for Onitsha, as he see the place, he say he must to make the gutter free so that water nor go dey gather there again.

The prophet bin wan stop the officials make dem nor scatter he church but the security pipo wey follow come, jump enta the mata.

For the video, naso security pipo just dey yeye and yanga yanga Odumeje, Dem come even dey slap am say make he nor near the church as dem dey scatter am.

The video don dey make some pipo vex cus of the way security treat the pastor.

 

 

 

 

 

Share On:

Add a Comment

Your email address will not be published. Required fields are marked *