Soludo nor vex for me, I wan be senator- Obiano

Foma first lady for Anambra State, Mrs Ebelechukwu Obiano, say she get mind to take come out as senator for Anambra North Senatorial District wey dem go do election.

Mrs Obiano come still tell Govinor Charles Soludo, Ndigbo, and pipo wey be friend of Ndigbo make dem nor vex for fight wey happen with her and Mrs Bianca Ojukwu wey dem dey swear Soludo for govinor seat.

With wetin tori pipo see on Wednesday for Akwa, she say she wan be senator so that she fit give pawa to poor pipo especially woman and piken dem.

She tok say, “The resin why I wan be senator na as pressure dey for my bodi to epp my pipo for National Assembly, Abuja.

“Every bodi know say me I nor dey find trouble nai make I wan bring beta come meet Anambra pipo so that love and smile go dey every bodi teeth. Me I know say God hand dey for this waka cus God hinsef na love.”

Wetin Mrs Obiano, call the leta wey she send to Soludo na ‘Outside sorry’ and na for inside the leta she take beg make dem forgive her for wetin happen with her and Ojukwu wife.

Share On:

Add a Comment

Your email address will not be published. Required fields are marked *