Reverend Father Ejike Mbaka, Fada wey dey control Adoration Ministry for Enugu, tok yesterday say Peter Obi wey wan be president from Labour Party na stingy.
Mbaka dey tok so for front of hin church members, say stingy man nor fit rule Nigeria, cus hunger dey beat the kontri so pipo nid leader wey go dey dash moni.
Hin say hungry go beat pipo if stingy man lead the kontri.
As hin yarn so finish, even hin congregation start to dey do wunwunwun as dem nor gree for the tok.
Remember say for 2019 presidential campaign, Mbaka tell Obi wey hin come visit dem for adoration ground, make the forma Anambra State govinor tok say hin go epp the church with moni wey dem win, nai Obi tell Mbaka to show am project wey dey ground instead of am to make donation.