Sumtin say make I kill my piken

One man, Benedict Anieze, karey he new born baby wey neva pass one month, take stone ground for inside Lagos.

Tori get am say Benedict dey stay with hin 17yrs wife Promise, for Pipeline area, Idimu wey dey for Lagos. On Sunday April 3, as all of dem dey house, small time the man just drag the girl piken from the mama hand, use her stone ground.

Sharply na so the piken brain bust for ground and die instantant. So that pipo nor go know wetin hin do, nai the Benedict man put fire for the house start to dey run.

The wife, Promise, start to dey shout to call pipo to tok wetin the husband just do.

Afta the neighbors don off the fire, dem see the small baby as hin dey for ground nor dey move.

Naso neighbors tell the wife and even folow her to go report for police station while some start to dey find the man.

Wey dem catch am give police hin say true true him and e wife nor get problem but na evil spirit nai enta e bodi make am go kill the piken.

Share On:

One Response

Add a Comment

Your email address will not be published. Required fields are marked *