Terrorists Want N100m To Take Free Kaduna Church Pipo



The terrorists wey attack the two church for Kaduna on Sunday, say na N100m dem go take before dem go free the 30 church pipo.

But one Bashir Usman, wey see everytin wey happen say the terrorist cut one of the church members ear comot.

Na on Sunday nai terrorists use Okada for early mormor go Maranatan Baptist Church and St. Moses Catholic Church, kill three church pipo and tiff many.

But on Monday, nai Elisha Mari, wey be still king of Aungwan Fada for Rubu community, inside Kajuru, wey terrorist tiff join other of the church members, tell tori pipo say the bandits dem free am as dem see say hin na king, say make he go look for N100m wey dem go take free the other pipo.

The king tell tori pipo as some oga of Security and officers for state govimet go visit the place where the tin take happen on Monday.

Mari say na okada nai the terrorist take enta the village and e pass 30 okada wey dem ride come.

The king say na like two hours nai e reach dem before dem take reach the camp were the bandits dem kip the over 30 pipo wey dem tiff.



Share On:

Add a Comment

Your email address will not be published. Required fields are marked *