The Video Wey Say Make Muslim nor gree for Christian Nor good- CAN

The togedaness of Christian pipo wey dey stay for Taraba State wey be Christian Association of Nigeria on Sunday say dem nor like as one Imam dey urge Muslim for the state make dem nor gree give pawa to anoda pesin wey nor be Muslim.

The chairman of CAN for the state, Rev. Isaiah Magaji-Jirapye, say with all the video wey dem see for social media na just way to cause kitikiti for the state and na pipo wey nor dey happy say Taraba dey peaceful.

Jirapye, say e don tay wey Taraba Muslim and Christian dey live togeda without any problem so all this one na just to cause Kasala for the state.

CAN say all this one dey happen cus na one Christian man, Senator Emmanuel Bwacha nai win the APC primary election for the state.

Dem say the state don dey enjoy peace with Christian and Muslim for many years naw, so e go good make police quickly go arrest pipo wey wan put fire for the state.

The leta still come say make APC settle any party issue wey dem get but nor karey religion take join am.

Share On:

Add a Comment

Your email address will not be published. Required fields are marked *