Too many die die for Anambra

Seven pipo nai just die for weekend inside Anambra State cus of the too much killing.

On Saturday nai dem cut Okechukwu Okoye, one lawmaker for the state head komot, reach Sunday, many pipo don still go lie down for quick grave as na for different place for the state nai dem take kill dem.

The pipo wey join na woman and her four children wey the gunmen use gun kill for Isulo, Orumba North Local Goviment for the State.

Two die for Abatete, Idemili North LGA, while one dem kill am for Nanka Orumba North LGA.

With wetin pipo tok, dem say the gunmen just enta those area  start to dey shoot the pipo before dem komot.

The state police PRO, Ikenga Tochukwu,  say hin nor fit tok the full gist as the mata neva too clear but the police go tok about am wey dem get full tori of how e take happen.

But one police man confimate the one wey happen for Isulo.

Share On:

Add a Comment

Your email address will not be published. Required fields are marked *