Trust Tv and BBC Una Go Soon Hear Word For Terrorist Documentary- FG





Fediral Govimet dey provoke as dem belle nor dey tortori dem well cus of say Trust Tv and BBC Africa Eye go open story tok about how terrorist dey disturb for North and the gain wey dem dey get.

Trust Tv and BBC Africa Eye the two of dem for their own side open wetin dey happen inside dem cabal, how dem take dey make tins hard for Nigeria pipo.

On Thursday oga Lai Muhammed the Minister of Information and Culture, say wetin BBC and Trust Tv show to pipo na just way to make terrorist work increase for the kontri.

Oga Lai say the body wey dey in charge of news, National Broadcasting Commission, dey look which kind punishment dem go give the two media house.

“Na NBC nai dey check the kind news wey pipo dey hear and dem don already know about this two mata.

“Dem dey look which of the code nai BBC and Trust Tv take match line.

“Wetin go make station like BBC go dey show face of terrorist like say dem be pipo wey dey act Nigerian film, e nor just make sense.

“Make BBC and Trust Tv know say for this one wey dem do so, hand must touch dem.”

Mohammed say, forget say BBC no be Nigerian get am but we go still punish dem, cus dem dey send their signal come the kontri and we go tell dem make dem stop.

Share On:

Add a Comment

Your email address will not be published. Required fields are marked *