Two fighting for Hausa and youth inside Ugbuwangue community

So the chairmo of Warri South LGA for Delta State, Dr Michael Tidi, dey try settle the gbege wey dey run for Hausa pipo wey dey sell and Ugbuwangue community. The fight na cus of small mata wey dem neva really know the main Koko, nai lead to big fight on Monday.

But the chairmo wey talk through hin media pesin, Mr Francis Sadhere,  on Tuesday say the fight don come down naw.

He say dem don call the two side to talk, so that peace go reign. So make pipo dey waka dem normal waka and nor fear. And dem go still do meeting to know wetin really cus the problem, so dem nor go fight again.

Tidi say Ugbuwangue pipo nor like problem and dem don dey stay with Hausa pipo wey dey sell for the community for many years naw, nai make the council dey try all dem best to bring peace wey go last for the community.

Share On:

Add a Comment

Your email address will not be published. Required fields are marked *