Two Ladies Wey Tiff Children Dey For Police Net

SWAT police for Enugu State don arrest two pesin, one na Miracle Orji wey be 24 years and Blessing Ani wey be 34 years, for piken wey dem tiff.

Na info wey SWAT get nai dem take go arrest the two women, for there nai dem see oda two piken, four years Ogechi Eneh, girl and one years Destiny Okechukwu, boy.

Miracle bin dey run with Ogechi Edeh before police catch her with the epp of pipo for Ameke-Oduma Community for Aninri LGA.

With wetin she confess nai dem take go arrest Blessing wey dey wait to kolet the piken to karey am komot.

With wetin the Police Public Relations Officer, Daniel Ndukwe tok on Tuesday, Blessing say she don dey tiff children dry sell since 2017 then come karey SWAT go Abuja where dem take save one boy Destiny Okechukwu, wey dem don sale with fake papers and change he name to Chibuike.

Police still dey find the oda members and go soon karey the ones wey dem catch to court, wey investigation don finish.

 

 

Share On:

Leave a Reply

Your email address will not be published. Required fields are marked *

Contact Info

Quick Links

Make E beta for you

Advertise with Us

© 2022 KpokoFM