UPDATE: DSS Ransack Terrorist Negotiator, Tukur Mamu House


DSS operatives don go ransack the house of Tukur Mamu the man wey dey epp families dey tok to the terrorists wey kidnap Kaduna-Abuja train passengers on Thursday morning.

Dem come like commando for film and use like 20 motor take surround everywhere.

One eyewitness there say DSS check the house come karey documents, phones, and laptops and force pipo wey dey the house make dem sign document wey dem nor even allow dem read.

Daily Trust say afta DSS ransack the house finish dem come still go Mamu office for Kaduna go check am.

Mamu dey always karey all the Kaduna-Abuja train victims wey dem free from terrorist hand, reach him office first before dem dey go meet dem family members.

While for DSS side, dem say the resin why dem arrest Mamu na cus hin dey colet moni from the victims families dey take am to the terrorist.

DSS tokpesin, Peter Afunanya, confimate say dem don really catch Mamu and he dey dem hand dey ansa kweshun wey concern security mata for some side of the kontri.



Share On:

Add a Comment

Your email address will not be published. Required fields are marked *