VAT palava: FG fit carey state go Supreme Court

 

Minista of Justice wey be still the Attorney-General of Nigeria, Abubakar Malami, SAN, on wednesday say the way some state dey go about this anti open grazing, the one wey nama go dey get chance to chop grass for the state, mean say the state nor dey folow wetin the kontri talk about free waka.

Na afta meeting with FEC for Presido caban for Abuja nai Malami take dey tell the State House news Pipo, wey dem dey ask am khwesun.

The minister say, Fediral Goviment fit talk against states wey dey fight for Value Added Tax for Supreme Court.

About anti-open grazing laws of southern states, the one wey go fit allow nama to dey free to chop grass, Malami say, “the issue ontop farmer pipo and pipo wey get Nama wahala, na wetin the kontri book talk nai the Attorney general office folow.

“The Office na about freedom, and wetin we don do na folow wetin Nigeria law talk to make everi bodi waka free for any place wey him waka enta.

“So the issue be say, weda dem gree for the free waka or not, my ansa na, the kontri law don already give am.”

For the VAT, he say “well, as you know say some state goviment get judgment from their High Court base on the law wey dem put for the state, but as e be so, Fediral Goviment don carey the law go Court of Appeal.”

 

Add a Comment

Your email address will not be published. Required fields are marked *