Village For Delta Nor Allow Gas Plant Company


One Umu-Egokwu family for Okpai-Oluchi, Ndokwa East Local Government Area inside Delta State don show red eye for one gas company wey wan enta the village, because e nor get the paper to show say pipo for the village go dey okay, the one wey Oyinbo dey dey call Environmental Impact Assessment Report(EIA).

For wetin the senior man of the family wey be John Nwanosike, write to amebo pipo on Saturday, the family pipo say the company Sterling Oil Exploration and Energy Production Company Ltd. use by force take buy land wey reach 70 by 70 for back of the primary school wey dey Okpai-Oluch village, and the company nor folow the normal way.

For wetin the Family write, dem say “We nor go even try am, even if na dream to give the land to the company, unless dem do wetin we tell dem, plus reason how the small school piken dem go take dey okay.”

The village pipo don say make DPR and goviment shuk mouth put for the matta before kasala go burst.



Add a Comment

Your email address will not be published. Required fields are marked *