Wahala For APC Headkwata As Protesters Nor Gree

Gbege dey happen for APC Headkwata for Abuja as group of young pipo gather reach dey sing against the party chairman Senator Abdullahi Adamu.

With wetin KPOKO dey hear dem say the youths dem be from Kogi State, and bust enta the Headkwata as the National Working Committee dey do dem meeting.

Dem say their pesin wey win the House of Representatives ticket for the party primary nor be hin dem give the ticket to.

Some of the youths dey kona dey tear ground say Adamu nor go see leg waka comot the secretariat before the security rushed come lock the main gate.

Cus of that one, security even pursue News pipo comot from the secretariat.

Na leta nai dem come dey allow tori pipo enta but dem get show ID first.

Share On:

Add a Comment

Your email address will not be published. Required fields are marked *