Chief Rita Lori-Ogbebor wey be the Igba of Warri Kingdom, say e go beta make Fediral Govimet take back the pipeline surveillance contract wey dem give foma Niger Delta Militant oga, Chief Government Ekpemupolo, aka Tompolo.
She say as e be naw wahala don dey drum for Niger Delta cus of the contract.
Na for Abuja on Monday nai Lori-Ogbebor take dey tell News pipo for conference about the N48bn contract to Tompolo.
She say na govimet nai get the responsibility to manage Niger Delta and nor be to karey am put for one man leg or company.
Na NNPC nai give Tompolo the contract with FG epp and na N4bn nai dem go dey pay am every month, so that tiff of oil, bust of pipeline, bunkery work for the region go stop, but many pesin nor like the parole.
Lori-Ogbebor say the knotri naw dey get insecurity problem but make pipo fear the one from Niger Delta.
E go beta make dem folow NDDC plan to make equality dey for the region, as she tok.
Lori-Ogbebor come still say make FG bring NDDC forensic audit report come outside make every bodi see am.