Police for Delta State inside Warri don arrest one 25yrs Olanrewaju for Ajamimoga as hin go rape 7yrs girl wey dey stay for the compound wey hin papa na caretaker.
The girl say the boy drag am go hin room come use force rape am, say if she talk wetin happen to any bodi, hin go kill her. But wey the piken waka komot from where the boy dey she come fit tell pesin about the mata.
One of the pipo wey dey stay for compound tell tori pesin dem say the boy papa say e must komot hin piken name from the rape case.
The small girl wey dem rape, her papa say the caretaker don dey nack chest say hin go deal with him family.
While Mr Kelvin Ejumudo, wey dey karey human being mata for head, say make the family of the small girl nor worry as dem go make sure say hand touch the boy Olanrewaju.