We don see Rivers aeroplane for Germany-Wike

E nor just show say pesin get good mind, to sitdon karey awa state areoplane go Germany since 2012 and nor even talk anytin about am.

This na how e dey do Govnor Nyesom Wike bodi on Monday wey hin talk say dem just see one Legacy 600 areoplane wey foma Govnor Chibuike Amaechi time, dem fly am go Germany con abandon the plane there.

Wike say the tin wey dey even vex am pass na say dem karey wetin the state get go anoda kontri and nor even talk or write anytin about am sef, hin talk so as some oda pipo for River State folow am go General Atomics Aerotec wey dey Munich for Germany, since the plane don dey there for 10yrs he get use €3million take repair the plane and bring am come back.

The govinor say the plane na Dr Peter Odilli nai buy am for 2003, as him dey komot for 2007 nai he karey am give Rotimi Ameachi govimet,  but wey hin dey for office 2012 nai dem karey the plane come here and we nor know why, cus he nor even talk anytin go that side.

As dem dey do meeting with the Oga Manager for General Atomics Aerotec, Markus Froetschi, Govor Wike say na ask wey he ask nai dem take get to know say the plane dey for Germany and he dey happy say the RUAG pipo nor lie give dem but ansa with beta ansa. The plane go soon come back to the state.

Share On:

Add a Comment

Your email address will not be published. Required fields are marked *