We Go Bomb NFF Election Place If-Group


One group wey say dem name na Nigeria Football Stakeholders say dem go bomb the place wey Nigeria Football Federation wan take do election for September 30 for Benin City if dem nor cancel the election.

For leta wey wey dem write for August 7, 2022, and address to Sports Minister, Sunday Dare, and NFF president, Amaju Pinnick, the group dey draw ear say cus of the magomago wey NFF board do make dem stop the election untill change show.

Na Dogogo Johnbull nai sign the leta  wey the office of the Sports Minister come get for September 11, 2022, dem say blood go flow if the bodi nor ansa wetin dem tok.

“The way wey dem take tiff for Amaju Pinnick time plus the case wey dey for EFCC and ICPC be one kind plus even the pipo wey put bodi for the election, wetin part of the leta tok.

The group say if dem nor gree with wetin dem dey tok, dem nor go waste time to bomb the election venue and many blood go flow.

One pesin wey dey come out for NFF position but nor want make dem call hin name say pipo write leta come with phone nuba, name and address dey give this kind threat yet una nor do anytin.

“Who I dey vex for nor be even the pipo wey write the leta but govimet agency wey get the leta and nor do anytin.”

But media aide to Sports Minister, Toyin Ibitoye, say the ministry go karey the leta go show the right pipo.

NFF president, Pinnick nor gree tok anytin about the mata.


Share On:

Add a Comment

Your email address will not be published. Required fields are marked *