We Go Partner With Nigeria For 2023 Election — India



As e be naw India get the biggest democracy for the world and dem don gree to collabo with Nigeria for 2023 election so that everywhere go coolele.

Na on Tuesday wey president Buhari host Indian Minister of State for External and Parliamentary Affairs, Vellamvelly Muraleedharan for Abuja state house nai hin take tok so.

He come Abuja to follow join the Nigeria-India Business Council, he say Nigeria nai be the center of dem engagement for Africa.

Muraleedharan, say Buhari go dem Defence Service College and hin Prime Minister for India, Narendra Modi dey greet cus Nigeria and India get one kind paddi ontop business, defense, education and many other tins.

Even oga Buhari come dey remember wey hin go do one year training for India Defence Service College, Wellington, wey hin na sodja for 1973.

He say hin really like the experience as e make am see different pipo and even epp hin story for military work.

President say Nigerian Defence Academy na India pipo nai establish am.

He say the two kontris get relationship for economy, politics, and even security.

Buhari say make Nigeria and India dey kwatinue on the paddi levels wey go benefit the two kontri.

Share On:

Add a Comment

Your email address will not be published. Required fields are marked *