Pipo wey kill Dr. Chike Akunyili, the husband of Prof. Dora Akunyili wey don die, don make some pipo dey binu while some dey fear, nor be for only Anambra State but the whole knotri. Oga Presido say hin go punish the pipo wey kill the man, the Governor for the State Willie Obiano don put 20milla if dem catch the pipo.
Dr. Akunyili, wey nor like problem and nor even put bodi for politics, go epp him wife Dora wey bin work with NAFDAC as their Oga and Minister for Information before she die, to collect award, before bad guys come kill the man with the police and driver wey dey with am plus five pipo wey dey around.
Na IPOB pipo dey reason say do am, but IPOB talk persin, Emma Powerful say their hand nor dey, as dem nor get any reason to kpai Akunyili.
Govnor Obiano say na 10 pipo nai gunmen don put for ground like this so before this one happen. And the tin don dey too much plus the election wey go soon happen for the State this November. Pipo just dey carry gun anyhow for South-East dey cause wahala, dem get to catch dem and purnish dem with the epp of Olokpa pipo dem.