Anambra State Governor, Prof. Charles Soludo, don tok the resin why he wan borrow N100 billion.
He say the loan na to use am do some kind tins like road, bridges and other tins to beta the state.
Soludo tok so wey hin dey look the 2022 Revised appropriation budget of N170 billion on Friday.
He sign the budget wey dem call, “Building Off From The Blocks” at the Government House, Awka.
According to the govinor, Anambra pipo nor fit wait, and all the moni dem go use am this year.
He say hin go make sure say the moni wey dem wan borrow so, Anambra pipo go see the value of the moni.
And the moni dem go use am take make sure say moni boku for the state wey go epp every bodi.
The govinor say the members of House of Assembly dey really try and dey rep the state well.
He come still say make the state legislative and other arms of govimet for Anambra State put hand togeda to see the forward of the state.