Wike: I Nor Send Anybodi Case To Comot Atiku



Govor of Rivers state, Nyesom Wike, say nor be him karey case go court to disqualify Atiku Abubakar make hin nor be the presidential candidate of  Peoples Democratic Party (PDP) again.

Pipo wey dey support Wike don karey Atiku, Aminu Tambuwal the govinor of Sokoto state, and INEC go court cus of the way dem do PDP presidential primary election for May.

For the case wey na Newgent Ekamon and others nai tell Fediral High Court for Abuja make dem order INEC to comot Atiku name from the list of candidates inside 2023 election.

Dem say make the court tok say na Wike be the presidential candidate for PDP 2023 election.

But on Friday wey Wike dey do interview with THISDAY hin say he nor send any bodi to go do case for am.

“I nor know anytin about the case. I nor ask any bodi to go do case for me.

“I nor even know the lawyers. I be small piken wey dey go do case this kind time? I get 14 days afta the primary to do case I nor do, na now wey na only two months remain nai I dey go do case?

“Na yesterday dem come up with claim say I tell my chief security officer to go comot PDP flag for govimet house. Everytin na lie, Some pipo wan use me take win election. Make una nor resin dem all na big lie,” Wetin Wike tok.

Share On:

Add a Comment

Your email address will not be published. Required fields are marked *