Tobi Amusan don be the first Nigerian pesin wey don win gold for World Athletics Championships afta she run with only 12.06s to take beat world record time.
Na the second time wey Amusan dey break record that night, as she do pass the 12.12s wey she first get for the semi-final. The record na America pesin, Kendra Harrison nai first get am with 12.20s.
But for that night Amusan come be the first Nigerian athlete to put World record for the game.
And cus of her, na the first time wey dem come play Nigerian national anthem for speaker as every bodi dey hear am. Wey dem dey wear her the medal, she come dey cry.
This victory wey Amusan get so na big compensation for her as she nor fit get beta position for for last year Tokyo game, even though say she get small medal for the fourth position wey she karey.
As e be so na $100,000 nai Amusan don take waka comot as she dey prepare her mind for the Commonwealth Games wey go start on Thursday, July 28.