You Be Parasite Wey Dey Follow Yansh– Fani-Kayode And Dino Melaye Blast Each Other

 

 

The foma Minister of Aviation, Femi Fani-Kayode, say tokpesin of Atiku Abubakar Campaign Organisation, Dino Melaye, na just parasite and fly wey dey follow yansh wey no clean.

The war start kill and go with mouth start wey the foma minster enta social media  say make FG and security agencies go arrest Dino Melaye cus of wetin hin tok about am wey Iyorchia Ayu come out as PDP national chairman.

Fani-Kayode say make dem disqualify PDP presidential candidate, Atiku Abubakar, from 2023 election.

As Melaye dey react to the comment, hin tweet say Fani-Kayode nor get beta stand.

“I just get to know wetin Femi Fani-Kayode tok, and na him normal way to tok rubbish afta hin small freeness from craze.

“True true idle hand and heart like FFK na there be devil house.

Normally I for nor ansa am but for this present life wey anybodi fit get access to media, pesin need to be careful to put issues for the right place,” this na wetin dey part of the post.

For Fani-Kayode side, hin come write for Instagram say:

“Wetin pesin go tok about this parasite wey lick the yansh of Nasir El Rufai for many years, before he come move to Bukola Saraki then jump to Yahaya Bello, before you know he jump like frog to Nyesom Wike and now na Atiku own hin don dey lick, and he don dey even lick pass yansh.”

 

 

Share On:

Add a Comment

Your email address will not be published. Required fields are marked *