Pharmacist Solomon Akuma case for Abuja Fediral High Court don turn anoda tin on Wednesday afta hin tell the judge wey dey judge the case say make she disqualify hersef, cus she dey play wayo for the mata.
FG karey Akuma wey be 30yrs go court say he na terrorist cus of one talk wey hin write for Twitter for April 2, 2020 say “Hin go pay Russian sniper make dem come kill Presido Buhari and Abba Kyari wey don die, afta pesin post kweshun dey ask ” if $1m land your hakant, wetin you go do with am?”
Akuma tell the court through the mouth of hin lawyer, Emmanuel Ukaegbu say as the mata dey go so hin confidence for the judge, Justice Folashade Giwa-Ogunbanjo don already die, so e go beta make she just shift bodi komot the case.
He say dem don even write leta go give Chief Judge of Fediral High Court say Giwa-Ogunbanjo dey do wayo, cus afta the last case for Nov 22, 2021 wey the judge give the case one kind judgement nai dem know say kwanta don dey.
Dem don karey the mata go April 4, 2022 so that chief Judge go fit look the petition wey dem send.