The ruling All Progressives Congress, APC, don attack the presidential candidate of the Nigeria Democratic Congress, NDC, Mr. Peter Obi becos of wetin he talk say na him win the 2023 presidential election, say he go only accept defeat for 2027 if the exercise dey credible.
When Obi dey yarn during one television interview, he come unveil one radical governance blueprint wen dey aimed at rescuing the nation from economic drift, infrastructural decay, and systemic insecurity, and na so he come blast President Bola Tinubu say he carry spend N16 trillion fuel savings.
Obi say the president fiscal spending dey reckless and completely out of touch with the pains wen Nigerians dey pass through everyday.
Obi run the 2023 presidential contest on top the platform of the Labour Party, LP, and he carry third after Tinubu and Atiku Abubakar, according to official results wen the Independent National Electoral Commission, INEC declare.
When the before before Anambra State governor dey answer one question concerning the 2023 election, he come talk say na him win the election, say those wen conduct the election know wetin sup.
Meanwhile, the National Chairman of the APC, Prof. Nentawe Yilwatda, wen yarn on top dis matter through him Special Adviser on top Media and Information Strategy, Abimbola Tooki, at e no get how Obi take win the 2023 election.
Yilwatda come talk say Obi don reach the end, and so make he prepare for another loss.