President Bola Ahmed Tinubu don tell international oil companies wen dey operate for Nigeria to award more contracts to indigenous engineering companies, say competent local companies must play a greater role for major energy projects.
Tinubu make the call as Lee Engineering Group build two compressor stations for Edo State so dat the Escravos–Lagos Pipeline System go fit deliver their full capacity of 2.3 billion standard cubic feet of gas daily.
Tinubu yarn dis one on Thursday when he dey receive the company founder and chairman, Leemon Ikpea for the State House, Abuja, according to one statement wen him Special Adviser on Information and Strategy, Bayo Onanuga sign.
The President say him administration Nigeria First policy must translate into more contracts for competent Nigerian companies, increased use of locally manufactured equipment and the creation of skilled jobs.
He come tell international oil companies to strengthen partnerships with indigenous firms wen don show the technical capacity to tidy complex projects.