The Independent National Electoral Commission (INEC) don flag 268 voter records over suspected artificial intelligence-generated photographs and other magomago, as dem start to dey clean up the preliminary Register of Voters ahead of the 2027 general election.
Na the commission Director of Information and Communication Technology, Lawrence Bayode, nia yarn this one during one television interview where he for take explain say their Automated Biometric Identification System (ABIS) don identify the affected records for more investigation.
Bayode come talk say INEC dey review all 268 entries to know which one contain AI-generated photographs or other forms of manipulation before dem go take corrective action.
He come still raise concerns about the report of wrong use of special registration, one option wen dem create for persons with disabilities when no get complete fingers or no fingers at all.