Ahead of 2027 general elections, the National Assembly don condemn the wave of political violence for across the country.
While the Senate tell the security agents to arrest anybody when their hand stain for violence matter to serve as lesson to others, the House of Reps come decide say dem go investigate the attacks.
When Chairman of the Senate Committee on Media and Public Affairs, Senator Yemi Adaramodu(APC, Ekiti South) dey yarn wit news people on Thursday, he come talk say President Bola Ahmed Tinubu dey preach peace and national harmony and say the National Assembly dey in support of Mr. President on top dis matter.
Meanwhile, the Reps for their resolution, wen dey in line with the adoption of one motion of urgent public importance wen the House Minority Leader, Mr. Fred Agbedi, and 16 other lawmakers sponsor, express concern over attacks on political meetings, rallies and processions for different parts of the country.
