Di Minister of Aviation, Festus Keyamo say na truth say gbero dey disturb Nigeria airports and dem go soon porchu dem komot for di system.
Na for di Ministerial Sectoral Press Briefing, wey dem do nai Keyamo take say na two type of agbero nai dey airport, some dey wear uniform inside while.di others just dey parabulate outside.
He say di two dey disturb but di most embarrassing one na di ones wey dey wear uniforms as dem nir dey even respect dem office.
Then di one wey dey outside nai bad pass, cus some of dem get guns and since FAAN nor dey use gun dem go work with other agencies to fully porchu dem from di airport.
Keyamo come still say for di official agbero inside na to create a way wey dem nor go dey get chance tok to pipo for di airport.
He come still tok about di way toilet, where pipo dey relax bifor dem go enta di plane nor just fine for eye and dem go work with private companies to put tins in place.