Warning don dey come again and again to pipo wey dey plan for di August 1st protest make dem nor go destroy property or even cause death of any pesin.
On Thursday wey President Bola Tinubu dey tok with APC govinors nai he take say he nor go sitdon look make wetin hapun for Kenya come repeat for Nigeria.
For di meeting wey even traditional rulers join for di presidential villa, dem dey try to see say di protest nor hold.
Bifor now govinors don dey warn and beg protesters say make dem nor go for di rally cus everywhere don dey hot already and Nigeria nor need am come join with di Defence Headkwatas wey say jaguda dey plan to cus problem for di protest.
