Place don dey hot for some of di bandits and terrorists afta di airstrike wey United States military, use take dash dem on Christmas day for north, cus some of dem don dey run go some oda states.
Di commander of Ondo State Security Network Agency, Akogun Adetunji Adeleye say dem arrest 100 criminal and 39 inside na bandits wey dey run from north.
Na way AMOTEKUN dey parade 61 of di suspects nai dem take bring di 39 for dem headkwatas for Akure.
Adeleye come say Ondo nor go give dem chance cus dem don put tins in place to make sure say di state too hot for any terrorist or bandit.